Que o curso 24/25 baiga zereño
Ta setiembre os tornasols ya ban cara ta baxo.
Sublida l'estibo d'a suya amariella magenzia.
A escape s'amanan as pardas colors.
Nusotros, de tornata en a escuela, nos miramos t'a difuera.
Dende a finestra, se beye marchar ixe amariello d'as flors
y meter-se en as fuellas de as figueras.
O tiempo nos aprebiene, de que se amana a Sanmigalada.
Abremos de refirmar-nos pues,
en fiesta tan siñalata,
con o curso que prenzipia.
Si en plegato chunio, habemos a faina bien feita,
podremos gustar
a buena sabor de as zirezas royas
y as bacanzias.
Carmina Paraíso
