En os lugars de monte, cuan plega marzo con o zierzo se diz un dicho:
Si marzo plega bentoso e si a más abril estiese plebiznoso... poderba estar que mayo estase floriu e fermoso.
La Ronda de Boltaña mos regaló fa bellas añadas (1996) ista canta que tos trayemos aquí, se tetula "O biento rondador". Podez leyer a letra e sentir-la á o mesmo tiempo, tos dixamos o binclo.
https://youtu.be/-0gzvxFGFIk
Buen prebo
O biento rondador
Qui
podese, como o biento, ferse sentir
d'aqui ta alla, bolando, por todo o pais;
de Campodarbe ta Sieste, bufar bufar,
pa que no quede ni una casa sin rondar.
Puya ta
Ascaso y beras un reloch de sol
que diz que marca o tiempo d'a chen que marchó
de coloricos pintau en una paret,
como yo aguarda o dia de bielos bolber.
Que o biento rondador
porte a mia cancion
ta Sieste, Ascaso, Espierlo y Aguilar,
ta Muriello y Margudgued,
ta Campodarbe también
ta Seso y Silbes ta rematar.
Que o biento rondador...
Un niedo d'aguilas bacio en un tozal
son Silbes, Espierlo y tantos atros lugars.
Pronto no se ba â poder ni bibir aqui
si no yes butre o rabosa u chabalin.
Pobre de yo, qu'aunque naciu soy en
Aguilar
ni plumas tiengo n'o culo, ni se bolar;
Por no estar aguila, cuculo, ni esparber,
no tiengo a naide que me quiera proteger.
Que o biento rondador
porte a mia canción
ta Sieste, Ascaso, Espierlo y Aguilar,
ta Muriello y Margudgued,
ta Campodarbe también
ta Seso y Silbes ta rematar.
Que o biento rondador...
En o camin de Muriello as ruinas se ben
de lo que un dia "o Meson d'o Piojo" fue.
Que buen nombre pa fartarse hoy de traballar
habiendo tanto turismo de calidá.
Si plebe bin y o rio afoga la bal,
a yo "Beneziano" m'agradaria estar.
Ay, que beatón que iba a Bolberme en Margudgued,
t'ol dia rezando a o santo que fa pleber.
Que o Biento rondador
porte a mia cancion
ta Sieste, Ascaso, Espierlo y Aguilar,
ta Muriello y Margudgued,
ta Campodarbe tambien
ta Seso y Silbes ta rematar.
Que o Biento rondador...
