A zena de Nabidá en Uesca

En Nabidá a familia e ros amigos s'achuntan arredol d'a mesa ta zelebrar que son chuntos.

Ye tiempo de rituals e costumbres.

O maitía de a Noite Buena, se fa o poncho, que ye bino, tinto u clarete, cueto en cazuela de barro, con fruitas pansas ( figos, orellons, e ugas), que dimpués se crema ta que marche l'alcol, e se alza ta beber en istos días.

En muitas casas, ta zenar ista nuei, paran cardo con besugo, armendras e piñons, e cordero u cochín asáu. También en bellas casas fan abadexo en cazuela, en belatras pollo chilindrón.

Ta laminear en hay  turróns, marzapans, empanadicos de crapaza de rabiqué...

En Uesca, seguntes o testo*"En o Portal de Belén",   de Manuel Almudébar Casaus, de 1941,

 pastors, repatans e mairals portan ta o  Belén as mesmas cosas que a chen portaría en tiempos de antis, enta casa suya, ta zelebrar a Fiesta:

 * ...........................

 "Trayeban figos de Fraga,

orejones d'Estadilla

y pansas de esas qu'escaldan

en Laszellas y en Belillas.

Bino de Castilsabás

y corderetes d'Albero,

billotas de Banastás

y coniellos de Prebedo.

Tortas d'azeite d'Ayerbe

turrón guirlache de Chaca,

castañas de marzapán

d'a zucrería Lasala;

tortadas de Berbegal

y pan moreno d'Angüés,

pedos de monjas de Casbas,

chuguetes de Bandaliés."