"A boz de toz", por Carmina Paraíso

I plega un buen puen, e con el tiempo ta leyer, ta escribir, ta prebar de fer cosas que a diario no adubimos a fer-ne, u de no fer cosa, d’ escansar-nos.

A yo me cuaca en istos días de refitoliar retratos de chen de dinantes, fendo labors y fiestas, u mirando-sen ta o retrataire, solo que...

A begatas me parize que o mundo no ba cambear tanto como aparentan os retratos…Ixo sí, si me miro bien t’aintro, é!…

Fa años que Anchel Conte nos dizió que:

Y tó que tos digo, amigos

d’aquí y d’astí y d’allá,

tó, o sé de seguro,

son cosas qu’atros han dito,

qu’atros antis más

han sentíu, y que uey

sentiz con yo…

A mía boz

tremola con os aires,

brilla con o sol,

se chela en os zierzos,

s’aflama con as calors…

A mía boz ye a de tú

y a d’ixa chen

que no conoxemos.

                                                                                                                Anchel Conte, No deixez morir a mía boz